Ərdoğanla İsveçin Baş naziri telefonla danışıblar

 Ərdoğanla İsveçin Baş naziri  telefonla danışıblar
  21 May 2022    Oxunub:1392
Türkiyə Prezidenti Rəcəb Tayyib Ərdoğanla İsveçin Baş naziri Maqdalena Andersson arasında telefon danışığı olub.
AzVision.az xəbər verir ki, bu barədə “TRT Haber” məlumat yayıb.

Telefon danışığı zamanı iki ölkə arasında münasibətlər və İsveçin NATO-ya üzvlük müraciəti müzakirə edilib.

Ərdoğan Türkiyənin NATO-nun açıq qapı siyasətini hər zaman tam dəstəklədiyini bildirib və həmrəyliyin həm üzv ölkələrin təhlükəsizliyi, həm də kollektiv təhlükəsizlik baxımından alyans daxilində əsas dəyər olduğuna diqqət çəkib.

Türkiyə lideri uzun müddətdir İsveçin terror təşkilatı PKK/YPG/PYD-nin nəzarəti altında olan şəxslər və sözdə təşkilatlarla təmaslarından narahat olduğunu ifadə edib. Həmçinin, FETÖ-nun İsveçdə varlığına və fəaliyyətinə də toxunub.

Bundan başqa, Ərdoğan İsveçin terror təşkilatlarına siyasi, maliyyə və silah dəstəyinə son qoyulmasının vacibliyini də vurğulayıb.

AzVision.az



Teqlər: Ərdoğan   İsveç-Baş-naziri  





Xəbər lenti