Britaniya Rusiyaya qarşı yeni sanksiyalar tətbiq edir

   Britaniya Rusiyaya qarşı yeni sanksiyalar tətbiq edir
  23 İyun 2022    Oxunub:301
Britaniya Rusiyaya qarşı yeni sanksiyalar tətbiq edib. Bu barədə Britaniya hökumətinin saytında məlumat verilib.
Xüsusilə, kimyəvi və bioloji silahlarla bağlı mal və texnologiyaların ixracı və tədarükünə qadağa elan edilib.

“Kimyəvi və bioloji silahlarla bağlı ixrac, tədarük və çatdırılma, təminat və təhvil (eləcə də müvafiq texniki yardım, maliyyə xidmətləri) üzrə qadağalar”, - deyə məlumatda bildirilir.

Bundan əlavə, London funt sterlinq və Aİ əskinaslarının Rusiyaya ixracına qadağa qoyub.

Məlumata görə, yeni məhdudiyyətlər neft emalı ilə bağlı mal və texnologiyalara qarşı əlavə tədbirləri əhatə edir.

Rusiyaya təyyarə yanacağı və yanacaq əlavələrinin ixracına da embarqo qoyulub.

Şahanə Rəhimli
AzVision.az

Teqlər:







Xəbər lenti