Məlumata görə, intihar edən şəxs - 1971-ci il təvəllüdü Azər Mahmud oğlu Hüseynov uzun illər Rusiyada yaşayıb. O, rayonda imkanlı şəxs kimi tanınıb. Belə ki, onun bir neçə obyekti, eləcə də Neftçalanın mərkəzində avtoyuma məntəqəsi olub.
A.Hüseynovun ailəli və iki övlad atası olduğu bildirilir.
Qeyd edək ki, o, paltar lifindən hazırladığı vasitə ilə gecə saat 4 radələrində həyatına qəsd edib. Hadisə ilə bağlı DİN-in mətbuat xidmətinin regional qrupunun yaydığı məlumata görə, Azər Hüseynov 16 yaşına çatmayan şəxsə qarşı əxlaqsız hərəkətlər etməkdə şübhəli bilinirmiş.
“1971-ci il təvəllüdü Azər Mahmud oğlu Hüseynov paltar lifindən hazırladığı vasitə ilə saat 4 radələrində həyatına qəsd edib. Göstərilən tibbi müdaxilələrə baxmayaq, onun həyatını xilas etmək mümkün olmayıb.
Şəxsin yaxınlarının iştirakı ilə meyitə baxış keçirilib, onun bədən səthi üzərində hər hansı xəsarət izi aşkar olunmayıb. Ölüm faktı ilə bağlı məhkəmə-tibbi ekspertizalar təyin edilib, digər zəruri prosessual hərəkətlər yerinə yetirilib. Araşdırma aparılır”, - deyə DİN-in Mətbuat Xidmətinin regional qrupunun yaydığı məlumatda bildirilib.(Bakupost)
AzVision.az
Polis şöbəsində intihar edən iş adamı ilə bağlı yeni detallar
11 Noyabr 2023
Oxunub:1792
Neftçala Rayon Polis Şöbəsində baş verən intihar hadisəsi ilə bağlı yeni təfərrüat məlum olub.
Teqlər: İntihar
Vaxtında, Aydın, Lazımlı!
-1732262087.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
