Baş Prokurorluq: "Partlayışda 16 nəfərin ölməsi xəbəri yalandır"

Baş Prokurorluq: "Partlayışda 16 nəfərin ölməsi xəbəri yalandır"
  16 Yanvar 2024    Oxunub:1289
Bəzi media səhifələrində paytaxtın Binəqədi rayonu, A.Kunanbayev küçəsi yaxınlığında yerləşən mebel sexində baş vermiş partlayış nəticəsində guya 16 nəfər şəxsin ölməsi barədə əsassız və həqiqətə uyğun olmayan məlumatlar dərc edilib.
Bu barədə AzVision.az-a Baş Prokurorluğun Mətbuat xidmətindən məlumat verilib.

Bakıda partlayışda ölənlərin sayı 9-a çatdı - YENİLƏNİB
Bildirilib ki, Baş Prokurorluq bir daha hər kəsi ictimaiyyətdə çaşqınlıq yarada biləcək bu növ təhrif olunmuş məlumatları yaymaqdan çəkinməyə çağırır.

Axtarış-xilasetmə tədbirləri nəticəsində xilasedicilər 9 nəfərin meyiti taparaq aidiyyəti üzrə təhvil veriblər.

Baş Prokurorluğun Mətbuat xidməti sosial şəbəkə və media səhifələrində yayılmış həmin məlumatları təkzib edərək rəsmi qurumla dəqiqləşdirilməmiş yalan və qərəzli məlumatları yaymamağı, bu qəbildən olan məlumatları paylaşan media nümayəndələri barəsində ciddi tədbirlər görüləcəyini diqqətə çatdırır.

AzVision.az



Teqlər:   Baş-Prokurorluq   Ölüm   Partlayış  





Xəbər lenti


Azvision.az ©2014 | Bütün hüquqları qorunur