Bakı məktəblisi ABŞ-nin ən nüfuzlu 5 universitetinə qəbul olub

Bakı məktəblisi ABŞ-nin ən nüfuzlu 5 universitetinə qəbul olub
  10 Aprel 2024    Oxunub:1397
Bakı şəhəri 1 nömrəli məktəbin XI sinif şagirdi Gülnur Ağakişiyeva ABŞ-nin ən nüfuzlu universitetlərinə qəbul və təqaüd hüququ qazanıb.
O, Birləşmiş Ştatların Erbana Şempeynsdəki İllinoys, Purdyu, eləcə də Penn universitetlərindən qəbul qazanıb.

Məktəbli bununla bərabər, Corc Vaşinqton Universitetindən 15 000 dollar (25 500 AZN), Fordhem Universitetindən isə illik 25 000 dollar (42 500) dəyərində təqaüd əldə edib.

G.Ağakişiyeva ABŞ hökuməti tərəfindən maliyyələşdirilən “FLEX” (Future Leaders Exchange Program) proqramının finalçısıdır.

O, dünyanın daha bir neçə universitetinə müraciət etdiyini, cavab gözlədiyini və seçimini yekun siyahıdan edəcəyini söyləyib.

Qeyd edək ki, G.Ağakişiyeva həm ölkədaxili, həm beynəlxalq olimpiadaların fəal iştirakçısı olub. Məktəbli Respublika fənn olimpiadaları üzrə Azərbaycan dili və ədəbiyyat, Azərbaycan linqvistika olimpiadalarının finalçısı, eyni zamanda “HIPPO-2023” və “TeenEagle” beynəlxalq ingilis dili olimpiadalarının müvafiq olaraq respublika birincisi və qızıl mükafatçısıdır.
AzVision.az



Teqlər:





Xəbər lenti