Mövzu ilə bağlı AzVision.az -a danışan dermotoloq Sevinc Kərimova bildirib ki, saç boyalarının zərərli təsirləri çoxdur:
“Kontakt dermatit kimi allergik xəstəliklərə səbəb ola bilir. Atopik dermatitdən əziyyət çəkənlərə, allergiya xəstələrinə ziyanı böyükdür. Ona görə də, ilk istifadə zamanı mütləq şəkildə bilək nahiyəsində test edilməlidir. Əgər dəridə qızartı və ya səpgi yaranmırsa, saçları boyamaq olar.
Hər bir saç boyasının üzərində istifadəyə göstərişləri də yazılıb. Saçda boyanı tövsiyə olunan müddətdən artıq saxlamaq olmaz. Əks halda saçlar parlaqlığını itirə, kövrəkləşə, qırıla bilər. Ona görə də, mən təbii boyaları tövsiyə edərdim. Bu baxımdan xınalar əla seçimdir”.
Dermatoloq qeyd edib ki, bəzən saç boyası istifadə edənlərdə həddindən artıq kəskin övrə müşahidə olunur:
“ Bu “Kvinke ödemi” adlandırdığımız bir allergik durumdur. Bu halda dodaq, dil, udlağın selikli qişası şişir və boğulmalar müşahidə olunur. “Kvinke ödemi” hətta ölümlə nəticələnə bilər".
Həmidə İbrahimova
AzVision.az
Vaxtında, Aydın, Lazımlı!
a-1727681504.jpg&h=200&w=200&zc=2&q=70)
