Nigeriya mətbuatının rəsmi mənbələrə istinadən yaydığı xəbərə görə, məhkəmə hər bir öldürülmüş mədənçinin ailəsi üçün 20 milyon funt sterlinq təzminat nəzərdə tutub. Eyni zamanda, Britaniya hökuməti zərərçəkmiş ailələrdən yazılı və qeyd-şərtsiz surətdə üzr istəməlidir.
Hökmü çıxaran hakim Antoni Onovo diqqətə çatdırıb ki, sözügedən hadisəyə görə London birbaşa məsuliyyət daşımalıdır: "Həmin mədənçilər yalnız daha yaxşı iş şəraiti istəyirdilər. Onlar tamamilə dinc şəkildə öz etirazlarını bildirmişdilər".
Beləliklə, Nigeriya məhkəməsi rəsmi London qarşısında təzminatın ödənilməsi üçün 90 gün möhlət, habelə ödəmə başa çatanadək 10% əlavə haqq qoyub. Bildirilib ki, üzr məktubu isə həm Britaniya, həm də Nigeriyada ümumilikdə 6 qəzetdə işıq üzü görməli, bu barədə məhkəməyə 60 gün ərzində yazılı sübut göndərilməlidir.
Məlumat üçün bildirək ki, 1949-cu ilin noyabrında Nigeriyanın Enuqu ştatında mədənçilər ağır iş şəraiti və ədalətsiz məvacib ucbatından üsyana qalxmışdılar. Nəticədə ingilis müstəmləkə qüvvələri onlara qarşı atəş açmış, 21 fəhlə həyatını itirmiş, 51-i isə xəsarət almışdı.
Firudin Həmidli
AzVision.az
London Nigeriyaya yarım milyard təzminat ödəyəcək
06 Fevral 2026
Oxunub:1657
Nigeriyanın Enuqu ştatının ali məhkəməsi 1949-cu ildə ingilis müstəmləkəçiləri tərəfindən qətlə yetirilmiş 21 kömür mədənçisinin ailə üzvlərinə ümumilikdə 420 milyon funt sterlinq təzminat ödənilməsi barədə hökm çıxarıb.
Teqlər: Nigeriya Britaniya təzminat tələb
Vaxtında, Aydın, Lazımlı!
-1780470666.jpg&h=190&w=280&zc=1&q=100)
-10682601696.jpg&h=190&w=280&zc=1&q=100)
-1780404767.jpg&h=190&w=280&zc=1&q=100)
-1780404767.jpg&h=120&w=187&zc=1&q=70')
