Çavuşoğlu Ermənistanla əlaqələrdən danışdı: `Bakıda müzakirə etdik...`

Çavuşoğlu Ermənistanla əlaqələrdən danışdı: `Bakıda müzakirə etdik...`
  26 İyul 2016    Oxunub:2903
Hərbi çevriliş cəhdinə qədər Türkiyə rəhbərliyi Bakıda Ermənistanla əlaqələrin normallaşdırılması prosesini müzakirə edib.

AzVision.az xəbər verir ki, bunu Türkiyənin xarici işlər naziri Mövlud Çavuşoğlu “Habertürk”-ə müsahibəsində deyib.

Çavuşoğlu bildirib ki, münasibətlərin normallaşdırılması ilə bağlı Ermənistanla birbaşa danışıqlar aparılmayıb. O, qeyd edib ki, lakin müxtəlif beynəlxalq tədbirlərdə erməni həmkar ilə müzakirə aparıb.

Türkiyə XİN rəhbəri vurğulayıb ki, Dağlıq Qarabağ məsələsində Ankara həmişə Azərbaycanın tərəfindədir və rəsmi Bakının münaqişənin həlli ilə bağlı təqdim etdiyi bütün variantları müdafiə edəcək.

Qeyd edək ki, Çavuşoğlu bu yaxınlarda Azərbaycana gözlənilməz səfər etmişdi. Türkiyə KİV-lərində yayılan məlumatlarda qeyd edilirdi ki, Çavuşoğlu Bakıda Ermənistanla sərhədlərin açılması məsələsini müzakirə edib.

Eldar Tanrıverdiyev
AzVision.az


Teqlər:  





Xəbər lenti


Azvision.az ©2014 | Bütün hüquqları qorunur