İsrail prezidenti Reuven Rivlin baş nazir Binyamin Netanyahunun sosial şəbəkədə qalmaqala səbəb olan statusuna görə meksikalı həmkarından üzr istəyib.
AzVision.az-ın “RİA Novoti”yə istinadən verdiyi xəbərə görə, bu barədə İsrail prezidentinin mətbuat xidməti məlumat yayıb.
“Mən, bu anlaşılmazlıq nəticəsində dəyən istənilən ziyana görə, üzr istəyirəm, biz söhbət anlaşılmazlıqdan getdiyini unutmamalıyıq. Əminəm ki, bu mərhələni adlaya biləcəyik”, - deyə Reuven Rivlin meksikalı həmkarı Enrike Penya Nyeto ilə telefon danışığı zamanı bildirib.
“Əminəm ki, heç kim İsrail və Meksikadakı durum arasında paralel aparmaq niyyətində olmayıb”, - deyə o əlavə edib.
Meksika lideri isə Netanyahunun statusunun iki ölkə münasibətlərinə zərər vurduğunu bildirsə də, İsraillə münasibətlərin yaxşı səviyyədə olmasında maraqlı olduğunu vurğulayıb.
Qeyd edək ki, İsrailin baş naziri Binyamin Netanyahu bir neçə gün əvvəl sosial şəbəkədə paylaşdığı statusda ABŞ prezidenti Donald Trampın Meksika ilə sərhəddə divar ucaltmaq qərarını “əla ideya” adlandırmışdı.
Eldar Tanriverdiyev
AzVision.az
Prezident baş nazirə görə üzr istədi - (VİDEOXƏBƏR)
01 Fevral 2017
Oxunub:3943
Vaxtında, Aydın, Lazımlı!
-1732384831.jpg&h=190&w=280&zc=1&q=100)
-1732379381.jpg&h=190&w=280&zc=1&q=100)
-1732262087.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
