Bərdə Hərbi birləşməsində maliyyə pozuntuları aşkarlanıb.
Müdafiə Nazirliyinin mətbuat xidmətinin rəis müavini, mayor Teymur Abdullayev bildirib ki, Müdafiə Nazirliyi ilə Hərbi Prokurorluq Bərdə Hərbi birləşməsində hərbi hissələrin Maliyyə Xidmətlərində birgə yoxlamalar apararkən bəzi hərbi hissələrin Maliyyə Xidmətlərində ciddi pozuntular aşkara çıxarıb.
Onun sözlərinə görə, fakt üzrə prokurorluq tərəfindən cinayət işi başlanıb. Bəzi hərbi hissələrin maliyyə xidmətləri rəisləri barəsində həbs-qətimkan tədbiri seçilib.