AzVision.az xəbər verir ki, “Naked Science” bu strateji əhəmiyyətli resursların ən böyük ehtiyatlarına malik ilk on ölkənin siyahısını hazırlayıb.

Çin - 44 milyon ton. Rəsmi Pekin nadir torpaq metalları üzrə şəksiz liderdir, dünyanın ümumi ehtiyatlarının təxminən yarısına sahibdir və istehsal və emalın əksəriyyətinə nəzarət edir.

Braziliya dünyada ikinci ən böyük nadir torpaq elementi ehtiyatına malikdir - təxminən 21 milyon ton. Bu təsirli potensiala baxmayaraq, istehsal məhdud olaraq qalır.

Hindistan da təxminən 6,9 milyon ton dadir torpaq elementləri var. Ölkə istehsalı tədricən artırır və hökumət emal potensialının və logistikanın inkişafına sərmayə qoyur.

Avstraliya təxminən 5,7 milyon ton ehtiyatla dünyada dördüncü yerdədir. Ölkədə hasilatın genişləndirilməsinə yönəlmiş bir neçə iri mədən layihələri həyata keçirilir. Sabit iqtisadiyyat, əlverişli investisiya mühiti və zəngin mineral ehtiyatları Avstraliyanı qlobal nadir torpaq metalları sənayesində əsas oyunçuya çevirir.

Rusiya da isə təxminən 3,8 milyon ton nadir torpaq metalı var. Ölkə qlobal bazarda iştirakını gücləndirməyə çalışır, kəşfiyyat və hasilatı fəal şəkildə inkişaf etdirir.

Vyetnam la Rusiya arasında ciddi fərq yoxdur - təxminən 3,5 milyon ton. Ölkə idxaldan asılılığını azaltmaq və ixrac potensialını artırmaq üçün istehsalı fəal şəkildə inkişaf etdirir.

ABŞ təxminən 1,9 milyon tonla yeddinci ən böyük ehtiyata sahibdir. Danimarka (xüsusilə Qrenlandiyada) təxminən 1,5 milyon ton nadir torpaq elementinə malikdir və onu səkkizinci ən böyük oyunçu edir.

Tanzaniya da təxminən 890.000 ton nadir torpaq metalı var. Mədən istehsalı ilkin mərhələdədir, lakin ölkənin resursları gələcək inkişaf və investisiyalar üçün əhəmiyyətli potensial təklif edir.

Cənubi Afrika təxminən 860.000 ton ehtiyatla ilk onluğu tamamlayır. Ölkədə əhəmiyyətli yataqlar olsa da, istehsal məhdud olaraq qalır.

İlkin Nəcəfzadə
AzVision.az