Mərkəzdən AzVision.az-a verilən məlumata görə, konsert proqramında dünya şöhrətli avstriyalı bəstəkar, "valsın kralı" İohan Ştrausun (Johann Strauss), həmçinin digər Vyana klassiklərinin - ata İohann Ştraus, Karl Mixael Tsirer, Robert Stolz, İmre Kalman, Luici Arditi, Yozef Ştraus, Eduard Ştraus və Frans Lehаrın əsərləri ifa olunacaq.
Orkestrin yaradıcısı və bədii rəhbəri Peter Qut Ştraus dövrünün ənənələrinə sadiq qalaraq konsertdə skripkada ifa edərək dirijorluq edəcək. Proqramda operettalardan parçalar orkestrin solisti Elizabet Yarman (soprano) tərəfindən təqdim olunacaq.
Qeyd edək ki, bu, Vyana Ştraus Festival Orkestrinin Heydər Əliyev Mərkəzində ikinci konsertidir. Kollektiv ilk dəfə Mərkəzin səhnəsində 2014-cü ildə çıxış edib və tamaşaçılara bayram əhval-ruhiyyəsi yaşadıb.
Ştraus Festival Orkestri Vyananın əsl musiqi ənənələrinin qoruyucusu, Avropanın aparıcı musiqi kollektividir. 1978-ci ildən fəaliyyət göstərir və Vyana şəhərinin rəsmi orkestridir. Hər il yanvarın 1-də məşhur Vyana bal festivalını bu orkestr açır.
Vyana Ştraus Festival Orkestrinin Heydər Əliyev Mərkəzində keçiriləcək konsertinə biletlərin qiyməti 20, 30, 40, 60, 80, 100 və 120 AZN-dir. Biletləri mərkəzin kassasından almaq olar.
AzVision.az
Vyana Ştraus Festival Orkestri Bakıda konsert verəcək
10 Oktyabr 2016
Oxunub:2746
Məşhur Vyana Ştraus Festival Orkestri bu il dekabrın 1-də Heydər Əliyev Mərkəzində "Mənim həyatım: sevgi və şövq" adlı konsert proqramı ilə çıxış edəcək.
Teqlər:
Vaxtında, Aydın, Lazımlı!
-1732546920.jpg&h=190&w=280&zc=1&q=100)
-1732540283.jpg&h=190&w=280&zc=1&q=100)
-1732535172.jpg&h=190&w=280&zc=1&q=100)
-1732262087.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
