“İki dəfə ölümə bərabər əməliyyat keçirdim. Vəziyyətim çox pis idi. İndi yavaş-yavaş düzəlirəm. Həkimlər özümü soyuqdan qorumağı məsləhət görüblər. Çox vaxt evdə oluram, arada çölə çıxıb hava alıram. Məni insult vurmuşdu, çox ağır günlər keçirdim. Ölkəmiz qələbə sevincini qeyd edirdi, mən isə həkim, dərman dalınca qaçırdım. Allahın bu gününə şükür, vəziyyətim xeyli yaxşılaşıb. Ayağa qalxıb əsa ilə də olsa yeriyə bilirəm. Çalışıram ki, virusa yoluxmayım. Ölkəmizin birinci xanımı Mehriban Əliyevaya təşəkkür edirəm, ağır günlərimdə mənə dəstək oldu. Hər gün bir tibb bacısı növbə ilə mənə qayğı göstərirdi”.
Xalq artisti doğma rayonu Ağdamın işğaldan azad olunduğu gün yaşadığı sevinc hisslərini dilə gətirib:
“Bu yaşıma qədər bəlkə də belə sevinməmişdim. Göz yaşlarım qurumurdu, dayanmadan ağlayırdım. Həmişə deyirdim ki, ay Allah, görəsən mən o yerləri bir də görəcəyəm? Doğulduğum, böyüdüyüm yeri gözümün qabağına gətirirdim ki, yaşlandıqca yadımdan çıxmasın. Sağ olsun Ordumuz.
Şuşanın azad olunması isə ayrı bir tarixdir. Uşaqlığımız orada keçib. Ağdamı minadan təmizləsinlər, ora gedəcəyəm. Şəhərimizi görmək üçün ürəyim gedir. Gedim görüm şəhərimiz necədir, orada nələr qalıb, nələr dağılıb. Evimizin dağıdıldığını bilirəm. Allah ermənilərə lənət etsin. Hər yeri məhv ediblər.
Oraları yaşayış məskəninə çevirsinlər, mən də həyat yoldaşımı götürüb Ağdama köçüm. Şəhərimizdə musiqi məktəblərindən birində dərs demək istəyirəm. Nəvələr, nəticələr istəsələr gələrlər. Amma mən gedəcəyəm”.
Şahanə Rəhimli
Azvision.az
Vaxtında, Aydın, Lazımlı!
-1732384831.jpg&h=190&w=280&zc=1&q=100)
-1732379381.jpg&h=190&w=280&zc=1&q=100)
-1732371823.jpg&h=190&w=280&zc=1&q=100)
-1732367705.jpg&h=190&w=280&zc=1&q=100)
-1732262087.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
