Peskov Makronun təklifini təhlükəli bəyanat adlandırdı

   Peskov Makronun təklifini təhlükəli bəyanat adlandırdı
  29 Fevral 2024    Oxunub:468
Rusiya prezidentinin mətbuat katibi Dmitri Peskov Fransa lideri Emmanuel Makronun Qərb qoşunlarının Ukraynaya göndərilməsi təklifini tənqid edib.
AzVision.az xəbər verir ki, o "Birinci" kanala müsahibəsində deyib ki, bu cür açıqlamalar vermək təhlükəlidir.

Kiyevə qoşun göndərilməsi “fantom müzakirə"lərdir - "The Guardian"
"Makronun bəyanatına gəlincə, bu, yeni elementdir və olduqca təhlükəlidir”, - Kreml nümayəndəsi qeyd edib.

Peskov qeyd edib ki, Qərb ölkələri Avropada təhlükəsizliyə, sabitliyə bərpa olunmaz zərərlər vura biləcək və ağır nəticələrə gətirib çıxaracaq mövzuları müzakirə etməyə başlayırlar.

Qeyd edək ki, üç gün öncə Fransa prezidenti Emmanuel Makron Avropa İttifaqı (Aİ) ölkələrinin ordu birləşmələrini Ukraynaya göndərməsinin mümkünlüyünü etiraf edib. O, Parisdə Kiyevlə bağlı keçirilən konfransdan sonra deyib ki, toplantıda hətta quru qoşunlarının Ukraynada yerləşdirilməsinə dair imkanlar da müzakirə olunub. Bundan başqa, Fransa lideri Ukraynanın Qərb müttəfiqlərinin Kiyevi uzaqmənzilli silahlarla təmin etmək üçün koalisiya yaratdıqlarını bəyan edib.

Paris konfransında qoşunların Ukraynaya göndərilməsi müzakirə olunsa da, avropalı liderlər bu mövzuda konsensus əldə etməyiblər.

Toplantı iştirakçıları arasında Almaniya kansleri Olaf Şolz, Böyük Britaniyanın xarici işlər naziri Devid Kemeron, Hollandiyanın baş naziri Mark Rutte, həmçinin Skandinaviya və Baltikyanı ölkələrin rəhbərləri olub.

Tural Tağıyev
AzVision.az



Teqlər:   Fransa   Makron   Peskov  





Xəbər lenti