Salyanda 11-ci sinif şagirdi uşaq dünyaya gətirdi

   Salyanda 11-ci sinif şagirdi uşaq dünyaya gətirdi
  03 Mart 2024    Oxunub:687
Salyan rayon Pambıqkənd tam orta məktəbində şagirdlər arasında erkən nikah halları qeydə alınıb.
AzVision.az xəbər verir ki, bu barədə Azərbaycan Uşaqlar Birliyinin sədri Kəmalə Ağazadə "Facebook" hesabında paylaşım edib.

O bildirib ki, məktəbin 11-ci sinif şagirdlərindən biri uşaq dünyaya gətirib.

Bundan başqa, məktəbin yuxarı siniflərində təhsil alan qızlar nişanlı olduqları üçün dərsə gəlməsələr də, jurnalda adları qeyd olunur və qiymətləri yazılır. Bununla bağlı məktəbin direktorunun işi regional təhsil şöbəsi tərəfindən araşdırılır.

Ailə, Qadın və Uşaq Problemləri üzrə Dövlət Komitəsinin mətbuat xidmətinin rəhbəri Teymur Mərdanoğlu məsələninn nəzarətə götürüldüyünü və araşdırma aparıldığını bildirib.

DİN-in Mətbuat Xidmətinin Şirvan regional qrupundan verilən məlumata görə, məsələ artıq Salyan Rayon Polis Şöbəsi tərəfindən nəzarətə götürülüb və müvafiq araşdırmalar aparılır.

AzVision.az


Teqlər:





Xəbər lenti