AzVision.az xəbər verir ki, Amerikanın Müharibənin Öyrənilməsi İnstitutunun (ISW) yeni hesabatında Rusiyada ordu səviyyəsində yeni ümumqoşun hissələrinin yaradılması da daxil olmaqla böyük islahatlar apardığı vurğulanır.

“Ukrayna mənbələrinin “51-ci ordu” ilə bağlı açıqlamaları “Rusiyanın Ukraynada yerləşdirmək üçün daha bir ümumqoşun ordusu yaratmasının ilkin indikatorudur”, - hesabtda deyilir.

Hərbi analitiklər “Xarkov” qoşunlarının operativ-taktiki qrupunun nümayəndəsi Yuri Povxun sözlərinə istinadən bildirirlər ki, Rusiya hərbçiləri “51-ci ordunun 9-cu motoatıcı briqadası”nın hissələrini Xarkov istiqamətinə keçirmək niyyətindədirlər. Povxun sözlərinə görə, rus qoşunları öz hissələrini Xerson vilayətindən və digər istiqamətlərdən Xarkov istiqamətinə göndəriblər.

“Xortitsa” əməliyyat-strateji qoşun qrupunun nümayəndəsi polkovnik-leytenant Nazar Voloşin də ağır itkiləri kompensasiya etmək üçün Rusiyanın 155-ci dəniz briqadasının (Sakit Okean Donanması) və “51-ci ordunun 9-cu motoatıcı briqadası”nın hissələrini Xarkov istiqamətinə köçürmək niyyətində olduğunu vurğulayıb.

İSW bu yaxınlarda Rusiya ordusunun 155-ci dəniz piyada briqadasının və 9-cu motoatıcı briqadanın (“DXR”-in 1-ci ordu korpusu) hissələrinin Donetskin qərb və cənub-qərbindən Xarkov istiqamətinə köçürdüyü barədə məlumat alsa da, Rusiyanın “51-ci ordusu” ilə bağlı quruma heç bir xəbər daxil olmayıb.

ISW-nin fikrincə, Rusiya ordusunun 9-cu motoatıcı briqadanı İkinci Dünya Müharibəsindən sonra yenidən canlandırılmış “51-ci ordu”nun tabeliyinə keçirdiyi ehtimal olunur.

Sahil İsgəndərov
AzVision.az