AzVision.az xəbər verir ki, bir neçə yüz polis əməkdaşının hərəkətə keçməsindən sonra etirazçılar Melikişvili prospektinə çəkiliblər. Gürcüstanın Daxili İşlər nazirliyinin patrul polisinin rəisi Vaja Siradzenin jurnalistlərə verdiyi məlumata görə, aksiya iştirakçılarına prospektin hərəkət hissəsini təmizləyib səkiyə keçmələri barədə xəbərdarlıq edilib.
Müxalifət liderlərindən biri Georgi Vaşadze etirazçıların polislə toqquşmaya getməyəcəyini və yollarda hərəkətə davam edəcəklərini deyib.
Vəziyyət sabitləşdikdən və polis Melikişvili prospektində iki cərgə kordon qurduqdan sonra müxalifətin daha bir lideri Zurab Caparidze etirazçılara aksiyanı bu formada davam etdirməyin mənası olmadığını bildirib. O, aksiya iştirakçılarını evə getməyə və sonrakı protest aksiyalarına hazırlaşmağa çağırıb.
- Onlar öz strategiyalarını dəyişdilər, Melikişvili prospektində yolu kəsməyimizə imkan verirlər. Deyirlər ki, bu, onlar üçün diskomfort yaratmır. Tədbiri onlara daha çox diskomfort yaradacaq başqa yerə keçirmək və ya etiraz forması barədə düşünmək qərarına gəldik”, - Caparidze vurğulayıb.
Georgi Vaşadze isə bildirib ki, qüvvələrin yenidən toplanması və “infrastruktur hazırlığı” üçün qısa fasilə lazımdır, çünki bəzi avadanlıq və çadırlar polis tərəfindən götürülüb.
Qeyd edək ki, dünən səhər saatlarında polis də vətəndaşları geri itələyərək, çadırları və barrikadaları yolun hərəkət hissəsindən götürüb və 16 nəfəri saxlayıb. Bu gecə isə etirazçıların dağıdılması zamanı həbslər baş verməyib.
Sahil İsgəndərov
AzVision.az
Gürcüstan müxalifəti pauza götürür - VİDEO
20 Noyabr 2024
Oxunub:268
Tbilisidə müxalifət üçüncü gecəni Çavçavadze prospektində dövlət universitetinin binası qarşısında keçirib. Noyabrın 20-nə keçən gecə polis ötən gün olduğu kimi yenə də etirazçıları sıxışdırıb çıxarıb.
Teqlər: Gürcüstan etirazlar pauza
Vaxtında, Aydın, Lazımlı!
a-1727681504.jpg&h=200&w=200&zc=2&q=70)
