AzVision.az xəbər verir ki, vilayətin qubernatoru Roman Busargin Saratov və Engels şəhərlərinin kütləvi hücuma məruz qaldığını, dağıntılar olduğunu, lakin heç kimin xəsarət almadığını bildirib.
Rusiya telegram-kanallarının məlumatına görə, söhbət pilotsuz təyyarənin vurulması nəticəsində güclü yanğının baş verdiyi neft anbarından gedir. “VÇK-OQPU” telegram-kanalı iddia edir ki, ilkin məlumatlara görə, Engelsdəki neft anbarına hücumda 30-dan çox PUA istifadə edilib.
Rusiyanın Müdafiə nazirliyinin açıqlamasında hava hücumundan müdafiə (HHM) qüvvələrinin ölkə səmasında Ukraynaya məxsus 32 PUA-nın vurduğunu bildirilir. Bunlardan 11-i Saratov, 4-ü Kursk və Rostov, 3-ü Belqorod və Bryansk vilayətləri, ikisi Krasnodar diyarı və biri Volqoqrad vilayəti üzərində məhv edilib. Daha 4 PUA isə Azov dənizi üzərində vurulub.
Eyni zamanda, Rostov vilayətinin qubernatoru Yuri Slyusar ötən gecə bölgədə Ukraynaya məxsus 5 pilotsuz təyyarənin vurulduğunu bildirib.
“Rostov vilayətində hava hücumundan müdafiə qüvvələri və vasitələri həmin gecə 5 PUA-nı məhv edib. Düşmənin hücumu Millerovski, Çertkovski və Azov rayonlarında dəf edilib.Tələfat və dağıntı yoxdur”, - Rostov vilayətinin qubernatoru vurğulayıb.
Qeyd edək ki, bu gecə kütləvi hava hücumuna məruz qalan Saratov və Engels şəhərləri Volqanın sağ və sol sahillərində bir-biri ilə üzbəüz yerləşir. TU-95 strateji bombardmançılarının yerləşdiyi aerodromun olduğu Engels şəhərinə Ukrayna dəfələrlə dronlar vasitəsilə hücum edib.
Sahil İsgəndərov
AzVision.az
Rusiya şəhərləri kütləvi PUA hücumlarına məruz qalıb
08 Yanvar 2025
Oxunub:454
Bu gecə pilotsuz təyyarələrin hücumundan sonra Rusiyanın Saratov vilayətinin Engels şəhərində partlayışlar baş verib.
Vaxtında, Aydın, Lazımlı!
-1736231055.jpg&h=190&w=280&zc=1&q=100)
-1736267006.jpg&h=190&w=280&zc=1&q=100)
_8958699204_1517223328.jpg&h=190&w=280&zc=1&q=100)
-1736252791.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
