Papa Fransisk yanvarın 9-da Müqəddəs Taxt-Tacda akkreditə olunmuş diplomatik korpusun rəhbərləri üçün təşkil edilən ənənəvi illik görüşdə Bakıda keçirilən COP29-da iqlimlə bağlı tədbirlər üçün daha çox maliyyə resurslarının təmin edilməsinə dair qərarlar qəbul olunduğunu xatırladıb.
“Mən inanıram ki, bunlar iqlim böhranından çox təsirlənən və böyük iqtisadi borc yükü altında olan bir çox ölkə üçün resursların bölüşdürülməsinə imkan verəcək. Bunu nəzərə alaraq, varlı xalqlardan xahiş edirəm ki, borclarını heç vaxt ödəyə bilməyəcək ölkələrin borclarını bağışlasınlar.
Bu, sadəcə olaraq, həmrəylik və ya səxavətlilik deyil, hər şeydən əvvəl, bu gün getdikcə daha çox dərk etdiyimiz bərabərsizliyin yeni forması fonunda ədalət aktıdır: xüsusilə qlobal Şimal ilə Cənub arasında mövcud olan “ekoloji borc”. Həmçinin bu “ekoloji borc”un işığında yoxsul ölkələrin xarici borclarını insan inkişafının inteqral inkişafını təşviq etmək üçün effektiv, yaradıcı və məsuliyyətli siyasət və proqramlara çevirməyin effektiv yollarını tapmaq vacibdir”, - deyə Roma Papası qeyd edib.
Pontifik müqəddəs Taxt-Tacın bu prosesi müşayiət etməyə hazır olduğunu vurğulayaraq bildirib: “Bilirik ki, artıq arxasında gizlənə biləcəyimiz heç bir sərhəd, yaxud siyasi və sosial maneə yoxdur”. Görüşdə ölkəmizin Müqəddəs Taxt-Tacdakı səfiri İlqar Muxtarov da iştirak edib. Qeyd edək ki, Fransiskin iştirakçılara müraciətini Vatikanın əməkdaşı oxuyub.(AzərTac)
AzVision.az
Papa Fransisk COP29-un əhəmiyyətindən danışıb
09 Yanvar 2025
Oxunub:377
Roma Katolik Kilsəsinin rəhbəri Papa Fransisk Bakının ev sahibliyi etdiyi BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) əhəmiyyətini vurğulayıb.
Teqlər:
Vaxtında, Aydın, Lazımlı!
-1736447265.jpg&h=190&w=280&zc=1&q=100)
-1736252791.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
