Vaşinqton “Çin rəqsi”ni dayandırdı

// “TikTok”, “CapCut” və “ByteDance”ın digər məhsulları ABŞ-da bloklandı

Vaşinqton “Çin rəqsi”ni dayandırdı
  19 Yanvar 2025    Oxunub:503
ABŞ-nin Ali Məhkəməsi “TikTok” videoplatformasının fəaliyyətinin qadağan olunması haqda qərarı təsdiqləyib. Platformanın sahibi olan “ByteDance” şirkəti “X” sosial şəbəkəsində yaydığı bəyanatda bugündən ABŞ-də işini dayandırdığını bəyan edib.
ABŞ hakmiyyətinin tələbi fəaliyyət göstərə bilmək üçün platformanın həmin ölkənin vətəndaşına satılması idi. Ali Məhkəmə də bu tələbi “milli təhlükəsizliyin qorunması üçün” vacib sayıb. Onların fikrincə, “TikTok” ABŞ vətəndaşlarının haqqında məlumatları toplayıb, Çinə ötürə bilər.

Qeyd edək ki, videoplatformadan 170 milyon amerikalı istifadə edirdi.


Qadağa təkcə “TikTok”a yox, “ByteDance” şirkətinin digər applikasiyalarına da aiddir. “Apple” şirkəti artıq onların hamısını özünün onlayn "mağaza"sından – “App Store”dan sildiyini bəyan edib. Siyahıya “TikTok”, “TikTok Studio”, “TikTok Shop Seller Center”, “CapCut”, “Lemon8”, “Hypic”, “Lark — Team Collaboration”, “Lark — Rooms Display”, “Lark Rooms Controller”, “Gauth: AI Study Companion” və “Marvel Snap” applikasiyaları daxildir. ABŞ-da yaşayan şəxslər artıq onlardan istifadə edə bilməyəcəklər.

Samir Quliyev
AzVision.az


Teqlər: TikTok  





Xəbər lenti


Azvision.az ©2014 | Bütün hüquqları qorunur