Meşə yanğınlarının Los-Ancelesə vurduğu ziyan hesablanıb

Meşə yanğınlarının Los-Ancelesə vurduğu ziyan hesablanıb
  23 Yanvar 2025    Oxunub:330
Los-Ancelesdəki meşə yanğınlarının hökumətə vurduğu ziyan 350 milyon dollar təşkil edib.
Bu barədə "Los Angeles Times" qəzeti məlumat yayıb.

Los-Ancelesdə meşə yanğınları yenidən yayılmağa başlayıb
Nəşr yazıb ki, hesablanan məbləğə əsasən küçələrin işıqlandırılması, istirahət mərkəzləri və kitabxanalara dəymiş zərərlər daxildir. Ən böyük zərəri isə Palisades görüb. Bu ərazidə 7 minə yaxın binanın dağıldığı bildirilir. Səlahiyyətlilərin sözlərinə görə, məlum statistika yekun rəqəm deyil. Çünki dağıntının miqyasını qiymətləndirmək hələ tezdir.

Qeyd edək ki, Kaliforniyada meşə yanğınları tüğyan edir. Yanğınlar yanvarın 7-də Los-Ancelesdən başlayıb. Meteoroloqların sözlərinə görə, təbii fəlakətin sürətlə genişlənməsinə quru və olduqca küləkli hava səbəb olub. Fəlakət məşhurların mülkləri də daxil olmaqla 12300-dən çox binanı məhv edib. Son məlumatlara görə, 25 nəfər ölüb. Meşə yanğınlarının vurduğu ziyan 275 milyard dollara çatıb.

Tural Tağıyev
AzVision.az



Teqlər:   Ynağın  





Xəbər lenti


Azvision.az ©2014 | Bütün hüquqları qorunur