“Bu gün heç bir ağlı başında olan adam ərazini verən sənədə imza atmaz. Nə qədər ki, Zelenski prezidentdir, heç kim bizdən ərazi verməyi gözləməməlidir. O, ərazini itirən sənədə imza atmayacaq. Konstitusiya bunu qadağan edir. Ukrayna konstitusiyasına və Ukrayna xalqına qarşı çıxmaq istəməyən heç kəs”, - Yermak vurğulayıb.
Onun sözlərinə görə, Ukrayna yalnız münaqişə tərəflərinin nəzarətində olan ərazilərin demarkasiya xəttinin yerini müzakirə etməyə hazırdır.
- İndi real olaraq müzakirə edə biləcəyimiz yeganə məsələ təmas xəttini müəyyənləşdirməkdir və bunu etməliyik”, - Ukrayna prezidenti ofisinin rəhbəri bildirib.
|
| Vaşinqtonun şərti: “Öncə sülh sazişi” |
Bundan əvvəl ABŞ ilə danışıqlar zamanı Ukrayna Amerika tərəfinin təklif etdiyi “sülh planı”nın əksər şərtləri ilə razılaşıb. ABŞ prezidenti Donald Trampın sözlərinə görə, Ukrayna ilə bağlı plan ilkin 28 bənddən 22-yə endirilib. Ərazi və Ukraynanın NATO-ya daxil olması məsələsi həll edilməmiş qalıb.
Rusiya prezidenti Vladimir Putin gələn həftənin əvvəlində ABŞ nümayəndələri ilə Moskvada “sülh planı”nın müzakirə olunacağını bildirib. Putin bildirib ki, Ukrayna qoşunları Moskvanın tələb etdiyi ərazilərdən çıxdıqdan sonra müharibə başa çatacaq, əks halda Rusiya buna “silah gücü ilə nail olacaq”.
Xatırladaq ki, daha əvəvl məlumatlı mənbələrin açıqlamalarına istinad edən “Poltico” nəşri yalnız sülh sazişi imzalandıqdan sonra Birləşmiş Ştatların Ukrayna üçün uzunmüddətli təhlükəsizlik təminatlarını müzakirə etməyə hazır olduğunu yazıb.
Sahil İsgəndərov
AzVision.az
Vaxtında, Aydın, Lazımlı!
-1780587274.jpg&h=190&w=280&zc=1&q=100)
-1780404767.jpg&h=120&w=187&zc=1&q=70')
