“Mən bundan çox təəssüflənirəm. Bunu Ermənistan prezidenti ilə müzakirə etmişəm”.
Bunu Avropa Parlamentinin üzvü və onun xarici əlaqələr komissiyasının sədri Elmar Brok Ermənistanın Gömrük İttifaqına daxil olmaqla bağlı qərarına münasibət bildirərkən deyib. O, Azadlıq Radiosunun müxbiri Rikard Jozwiak-ın suallarını cavablandırıb:
«Bilirik ki, Ermənistan Dağlıq Qarabağ münaqişəsi ətrafındakı çətin duruma görə Rusiyanın inanılmaz təzyiqi altındadır. Ermənistan kimi kiçik ölkə belə bir qərar qəbul etmək üçün şantaj olunub. Ona görə məyusam ki, müəyyən şərtlərə görə, hüquqi baxımdan, eyni zamanda həm Gömrük İttifaqının üzvü olmaq, həm də Avropa Birliyi ilə assosiasiya razılaşması və azad ticarət zonasına dair saziş bağlamaq mümkün deyil».
- Avropa Birliyinin Ermənistanla gələcək münasibətləri necə olacaq?
- Hər bir ölkə ilə qurduğumuz münasibət kimi olacaq, ancaq Avropa perspektivindən yox.
- Artıq bəzi arqumentlər olub ki, AB Ermənistanı məyus etdiyi üçün o, Gömrük İttifaqına meyllənib. Bu barədə nə düşünürsünüz?
- Məncə, bu, öz əhalisinə hesablanmış təbliğatdır. Onlarla sazişi müzakirə etməyə və Vilnüsda bunu irəlilətməyə hazır idik. Məncə, məsələ, çox aydındır, səbəb Rusiyanın şantajıdır.
Ermənistanın Vilnüs görüşünədək mövqeyini dəyişmək şansına gəlincə, Brok deyib ki, buna ümid edir.
Ermənistan prezidenti Serj Sarkisyan sentyabrın 3-də bildirib ki, ölkəsi Gömrük İttifaqına qoşulmaq haqda qərar verib: «Bu istiqamətdə lazımi addımlar atılacaq və Ermənistan daha sonra Avrasiya İqtisadi İttifaqının formalaşmasında iştirak edəcək».
Avropa Birliyi Ermənistanın qərarından məyusdur
04 Sentyabr 2013
Oxunub:1229
Vaxtında, Aydın, Lazımlı!
-1732379381.jpg&h=190&w=280&zc=1&q=100)
-1732645533.jpg&h=190&w=280&zc=1&q=100)
-1732639028.jpg&h=190&w=280&zc=1&q=100)
-1732262087.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
