Avqustun 17-də erməni sərhədçiləri tərəfindən əsir götürülən soydaşımız, Gürcüstan vətəndaşı Allahverdi Pələngovun məhkəməsi keçiriləcək. Məhkəmə prosesi oktyabrın 20-nə kimi baş tutacaq. Lakin Ermənistan tərəfinin bu müddəti daha da uzadacağı istisna edilmir.
Bu barədə AzVision.az-a əsirin oğlu Kənan Pələngov məlumat verib.
Bir müddət əvvəl AzVision.az-a atasının məhkəməsinin oktyabrın 10-a kimi keçiriləcəyini deyən Kənan Pələngov, onunla ikinci dəfə görüşün də mümkün olmadığını qeyd etdi.
`Atamın məhkəməsinin oktyabrın 10-a kimi baş tutacağını düşünürdük. Ancaq hələ də bir xəbər yoxdur. Lakin ümidimizi üzmürük. Güman edirik ki, proses oktyabrın 20-dək təxirə salınıb. Bir neçə ay qabaq görüşsək də, ikinci dəfə onu görə bilmədik. Atamla ancaq məhkəmə zamanı görüşəcəyik`.
Qeyd edək ki, hazırda A. Pələngov Ermənistan Təhlükəsizlik Xidmətinin təcridxanasında saxlanılır və "sərhədi qanunsuz keçmək”də ittiham edilir. Ermənistan tərəfi, əsirin geri qaytarılması üçün onun ailəsindən 200- 400 min dram ( təxminən 800 manat) cərimə tələb edir. Əks halda A. Pələngovun iki il müddətinə həbs ediləcəyi ilə hədələyir.
Əsirin ailəsi isə tələb olunan cəriməni ödəməyə hazırdır.
Şahanə RƏHİMLİ
Ermənistan əsirimizi qaytarmaq istəmir
11 Oktyabr 2013
Oxunub:1156
Pələngovun məhkəmə prosesi daha 10 gün təxirə salındı.
Vaxtında, Aydın, Lazımlı!
-1732726561.jpg&h=190&w=280&zc=1&q=100)
-1732262087.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
