Peskov: "Trampın səfərinin Putinlə heç bir əlaqəsi yoxdur"

   Peskov:    "Trampın səfərinin Putinlə heç bir əlaqəsi yoxdur"
  02 Aprel 2025    Oxunub:539
Rusiya prezidentinin mətbuat katibi Dmitri Peskov ABŞ prezidenti Donald Trampın may ayında Səudiyyə Ərəbistanına səfər planlaşdırmasını şərh edib.
Jurnalistlər brifinqdə Rusiya prezidenti Vladimir Putinin Səudiyyə Ərəbistanında Trampla görüşmək niyyətində olub-olmadığını soruşublar. Suallar arasında bu potensial görüşdə Ukrayna ilə bağlı danışıqların aparılıb-aparılmayacağı da olub.

Tramp may ayında Səudiyyə Ərəbistanına səfər edəcək
"Bunlar sırf Amerika dövlətinin başçısının planlarıdır. Bunun Putinlə heç bir əlaqəsi yoxdur. Putinin hələlik belə planı yoxdur. Biz ABŞ-la müxtəlif kanallar vasitəsilə müxtəlif səviyyələrdə təmasları davam etdiririk", - Kreml sözçüsü bildirib.

Xatırladaq ki, aprelin 1-də Tramp Ağ Evdə jurnalistlərə ilk xarici səfərini Səudiyyə Ərəbistanına edəcəyini deyib. O bildirib ki, səfəri apreldə və ya bir ay sonra da baş tuta bilər.

Tural Tağıyev
AzVision.az



Teqlər:   Tramp  





Xəbər lenti