İran ABŞ-ni hədələdi: "Ayağınızı kəsəcəyik!"

İran ABŞ-ni hədələdi: "Ayağınızı kəsəcəyik!"
  02 Aprel 2025    Oxunub:524
"İranlılar ölkəyə işğal məqsədi ilə ayaq basan hər kəsin ayağını kəsəcəklər".
İRNA-nın yaydığı məlumata görə, bunu İran parlamentinin Milli Təhlükəsizlik və Xarici Siyasət Komitəsinin sədri İbrahim Əzizi ABŞ hakimiyyətinin təhdidlərinə cavab verərkən deyib.

İranın xarici işlər naziri: "Müharibəyə hazırıq"
O qeyd edib ki, əgər hər hansı bir təcavüzkar İslam ölkəsi olan İranın müqəddəs ərazisinə ayaq basarsa, ciddi cəza ilə üzləşər: "Biz onun ayağını kəsəcəyik! İslam İnqilabının təlimlərinə görə, biz müharibələrin heç birinin təşəbbüskarı olmamışıq və olmamalıyıq. Lakin təcavüzkarlarla qəti və sərt şəkildə mübarizə aparmağı öyrənmişik".

Bundan əvvəl İranın BMT-dəki daimi nümayəndəsi Əmir Səid İrəvani təşkilatın Təhlükəsizlik Şurasına məktub göndərərək, Trampın Tehrana qarşı təhdidlərini pisləməyi tələb etmişdi.

Xatırladaq ki, ABŞ prezidenti Donald Tramp martın 28-də qalmaqallı açıqlama vermişdi. O, deyib ki, əgər İran hakimiyyəti Vaşinqtonla nüvə proqramına dair razılığa gəlməsə, bu ölkədə “pis şeylər baş verəcək”. Ağ Ev rəhbəri İran hakimiyyətinə göndərilən məktubu da xatırladıb. O, orada ya Vaşinqton və Tehranın danışaraq məsələləri müzakirə edəcəyini, ya da İranın bunun ağır nəticələri ilə üzləşəcəyini qeyd edib.

Tural Tağıyev
AzVision.az



Teqlər:   İran   ABŞ  





Xəbər lenti


Azvision.az ©2014 | Bütün hüquqları qorunur