“Bi onlara (Azərbaycana – red. ) qarşı ərazi iddiaları irəli sürürük. Biz bunu görmürük, amma Azərbaycanın atdığı addımların cavabında qəzəblənirik: “Gör nə edirlər?”. Əliyev güzgü effektli cavab verir və onun fikrincə, bizim ona qarşı etdiyimizi də edir”, - Ermənistan parlamentinin spikeri deyib.
Simonyan erməniləri reallıqda yaşamağa və Ermənistanı dünya ilə əlaqəsi kəsilmiş bir ərazi kimi qəbul etməməyə çağırıb.
- Öz dünyanızda yaşamağı dayandırın. Özünüzü elə göstərməyin ki, tarix dərsliyinə malik yeganə Ermənistan var, qalanları isə əhəmiyyətsiz xalqlardır, çünki biz ermənilərdə düdük olanda, ərik yetişdirəndə başqa millətlər ağaclarda yaşayırdı. Belə yanaşmadan əl çəkin, Ermənistan Respublikasını və onun gələcəyini məhv etməyin. Səhv edirsiniz. Bunu başa düşün”, - Simonyan erməni etnofundamentalistlərini ayılmağa çağırıb.
|
| Ermənistan “çəkiclə zindan arasında” manevr etmək istəyir |
Alen Simonyanın fikrincə, sülh müqaviləsinin imzalanmasından beş dəqiqə sonra Ermənistan və Azərbaycan vətəndaşları bir-biri ilə ticarətə başlayacaq və bütün mümkün vasitələrlə əlaqə saxlayacaqlar.
Xatırladaq ki, Alen Simonyan jurnalistlərlə bugünkü görüşündə Ernənistanın Rusiya, Fransa və ABŞ ilə münasibətləri inkişaf etdirməklə balanslaşdırılmış xarici siyasət qurmaq niyyətində olduğunu söyləyib.
Sahil İsgəndərov
AzVision.az
Vaxtında, Aydın, Lazımlı!
-1748369315.jpg&h=190&w=280&zc=1&q=100)
-1748373086.jpg&h=190&w=280&zc=1&q=100)
