AzVision.az xəbər verir ki, Amerikanın Müharibənin Öyrənilməsi İnstitutunun (ISW) yeni hesabatını hazırlayan analitiklərin fikrincə, iyunun 17-də ruslar Toretskin qərbində yerləşən Yablonovkanın qərbində ən azı bir taqımla hücum həyata keçiriblər. Geolokasiya materialları hücumda ən azı üç zirehli texnikanın və dörd motorlu maşının, ehtimal ki, bütün ərazi nəqliyyat vasitələrinin iştirakını qeyd edir.
“Bundan əlavə, Konstantinovka rayonunda Rusiya qüvvələrinin bir bölük qədər texnikadan istifadə etdiyi genişmiqyaslı hücumun olduğu bildirilir. İlkin məlumatlara görə, Ukrayna hərbçiləri düşmənin 15 ağır zirehli texnikasını və 8 motoatıcısını məhv ediblər”, - hesabatda deyilir.
ISW vurğulayır ki, böyük ehtimalla, zirehli texnikanın itirilməsi və Ukrayna PUA-larının effektivliyi səbəbindən, Rusiyanın belə hücumları 2024-2025-ci ilin qışından bəri nadir haldır. Son aylarda Rusiya qüvvələri hücum əməliyyatları üçün mülki avtomobillərdən, motosikletlərdən və bütün relyef maşınlarından daha çox istifadə edir.
- Mexanikləşdirilmiş hücumların bərpası onu göstərə bilər ki, Rusiya komandanlığı Toretsk istiqamətini prioritet kimi müəyyənləşdirib”, - hesabatda bildirilir.
Ukraynanın “Xortitsa” əməliyyat komandanlığının məlumatına görə, Rusiya ordusu Pokrovsk-Konstantinovka magistral yolu da daxil olmaqla üç istiqamətdən Konstantinovkanı da mühasirəyə almağa çalışır. Eyni zamanda, Rusiya qüvvələri Dnepropetrovsk vilayəti ilə sərhəddə də fəallaşıb ki, bu da “Xortitsa”nın sözçüsü Sergey Trequbovun sözlərinə görə, düşmənin bütün cəbhə boyu “atipik calanmasından” xəbər verir.
Sahil İsgəndərov
AzVision.az
ISW: “Rusiya Ukraynada yeni hücuma başlayıb”
19 İyun 2025
Oxunub:1209
Rusiya qoşunları Toretsk istiqamətində irimiqyaslı mexanikləşdirilmiş hücumları bərpa edib ki, bu da növbəti hücum üçün sözügedən ərazinin prioritet seçildiyini göstərə bilər.
Vaxtında, Aydın, Lazımlı!
-1780923235.jpg&h=190&w=280&zc=1&q=100)
-1780404767.jpg&h=120&w=187&zc=1&q=70')
