Bu sözləri İsrailli deputat, "Likud" Partiyasının üzvü Moşe Saada ölkənin "Kan" radiosuna müsahibəsində dilə gətirib. Hərçənd iddiasını təsdiqləmək üçün hər hansı sübut irəli sürməsə də, Qəzzaya göndərilən humanitar yardımların HƏMAS terror təşkilatını "silahlandırdığını" diqqətə çatdırıb.
"Axı kimsə həmin yardım paketlərini yoxlayırmı? Artıq hamıya məlumdur ki, onların daxilində sursat gizlədilir", – deputat vurğulayıb.
Saada, eyni zamanda, söyləyib ki, İsrailin bütün Qəzza zolağını nəzarətə götürməsi "müharibə qələbənin yeganə yoludur".
Xatırladaq ki, avqustun 7-də İsrailin Təhlükəsizlik Kabinetinin iclasında Qəzza zolağında hərbi əməliyyatların artırılmasına, Qəzza şəhərinin mühasirəyə alınmasına və tədricən ələ keçirilməsinə qərar verilib. Əksər ölkələr bu addımı qınayaraq, fəlakətli nəticələrə gətirib çıxaracağını bildirib.
Firudin Həmidli
AzVision.az
İsrailli deputat: "Qəzzaya yardım adı ilə silah göndərilir"
12 Avqust 2025
Oxunub:1079
"Qəzza zolağına müxtəlif ölkələr tərəfindən hava vasitəsilə göndərilən humanitar yardım paketlərində silah-sursat da çatdırılır".
Teqlər: İsrail Qəzza yardım silah iddia
Vaxtında, Aydın, Lazımlı!
-1780404767.jpg&h=120&w=187&zc=1&q=70')
