“Biz həqiqətən də bu bəyanatları eşitmişik və onları diqqətlə təhlil edirik. Təbii ki, bizim hərbi mütəxəssislərimiz onları diqqətlə izləyir. Məsələ raketləri kimin atacağındadır. Ukraynalılar, yoxsa Amerika hərbçiləri? Hədəfləri kim müəyyənləşdirəcək?”, - Kremlin sözçüsü vurğulayıb.
Sentyabrın 28-də Cey Di Vens bildirib ki, ABŞ Ukraynaya “Tomaqavk” qanadlı raketlərinin verilməsi imkanını müzakirə edir, lakin qərar prezident Donald Trampın səlahiyyətindədir.
- Bu məsələ ilə bağlı yekun qərarı prezident verəcək. Mən söz deməyi prezidentin öhdəsinə buraxıram, amma bilirəm ki, biz bunu hazırda müzakirə edirik”, - Vens deyib.
|
| Kelloq: “Tramp Rusiyaya zərbələrin əleyhinə deyil” |
Daha əvvəl “The Wall Street Journal (WSJ)” nəşri Ukrayna prezidenti Volodimir Zelenskinin Nyu-Yorkda Trampdan “Tomaqavk” raketlərini (2500 km-ə qədər mənzilli) istədiyini yazmışdı. “Axios” portalı, öz növbəsində, bildirib ki, Kiyev son bir il ərzində dəfələrlə Vaşinqtondan “Tomaqavk” raketləri istəsə də, onun xahişi rədd edilib.
Rusiya prezidenti Vladimir Putinin iddiasına görə, Ukraynanın Rusiyaya uzaqmənzilli silahlarla zərbə endirməsinə icazə verilməsi “NATO ölkələrinin onunla müharibə vəziyyətində olması” anlamına gələcək. Kreml zərbə zonasına qoyulan məhdudiyyətlərin aradan qaldırılmasını münaqişənin həlli səylərinə zidd olan “çox təhlükəli” qərar adlandırıb.
Sahil İsgəndərov
AzVision.az
Vaxtında, Aydın, Lazımlı!
-1780404767.jpg&h=120&w=187&zc=1&q=70')
