“İdarəetmə qülləsi personalının çatışmazlığı yeni problem deyil, lakin şatdaun onu yenidən diqqət mərkəzində saxlayıb və bu məsələni daha da dərinləşdirib. Hava nəqliyyatı dispetçerləri kritik hallar üzrə işçilər hesab olunurlar, buna görə də onlar hətta şatdaun zamanı da əmək haqqı almadan işləməyə davam edirlər”, - Milli Aviadispetçerlər Assosiasiyasının prezidenti Nik Daniels telekanaa açıqlamasında deyib.
|
| Reuters: “Şatdaun dolları silkələyib” |
- Bu vəziyyət xərcləri ödəmək üçün bizi əlavə gəlir variantları axtarmağa məcbur edir. Nəticədə ölkə üzrə xəstəlik məzuniyyəti alan aviadispetçerlərin sayı kəskin artıb. Bu səbəbdən, ABŞ-nin bəzi hava limanlarında onların sayı artıq 50% azaldılıb”, - ABŞ-nin Nəqliyyat naziri Şon Daffi diqqətə çatdırıb.
Xatırladaq ki, ABŞ-nin federal hökuməti maliyyə çatışmazlığı səbəbindən oktyabrın 1-də gecə yarısı fəaliyyətini qismən dayandırıb. Bu, Konqresdəki hakim Respublikaçı və müxalif Demokratik partiyaların nümayəndələrinin səhiyyə də daxil olmaqla bir sıra xərc maddələri üzrə razılığa gələ bilməməsi səbəbindən baş verib.
Tərəflər bir-birini siyasi məqsədlər üçün şatdauna təhrik etməkdə və onu uzatmaqda günahlandırırlar.
Yeri gəlmişkən, “CNN” telekanalının məlumatına görə, Federal işçilərin iki həmkarlar ittifaqı, öz növbəsində, prezident Donald Trampın şatdaun zamanı kütləvi ixtisarlar həyata keçirməsinə mane olmaq üçün Kaliforniyada məhkəməsinə müraciət edib.
Vaxtında, Aydın, Lazımlı!
-1780404767.jpg&h=120&w=187&zc=1&q=70')
