İvanişvili, Saakaşvili hakimiyyətdən gedən kimi istefa verməyə söz verdi.
Gürcüstanın baş naziri Bidzina İvanişvili, hazırki prezident Mixeil Saakaşvili hakimiyyəti buraxandan bir neçə gün sonra siyasətdən əl çəkəcəyini bildirib.
“ Mən tezliklıə siyasətdən getmək niyyətindəyəm. Saakaşvili gedən kimi, mən də gedəcəm. Ola bilsin ki, yeni prezident seçkiləri keçiriləndən sonra cəmi bir neçə gün qaldım”-deyə B. İvanişvili Estoniyanın Postimees qəzetinə müsahibəsində bildirib.
Bu xəbər sürətlə bütün Gürcüstan mətbuatında yayılıb. İvanişvili ,“üç ən ali vəzifəyə-prezident, baş nazir və parlamentin sədri postuna təmiz insanlar, demokratların” seçiləcəyindən əminliyini ifadə edib.
“Müstəqil məhkəmə sistemi, eləcə də azad mətbuat olduqca vacibdir. Yeni nəfəs lazımdır”-deyə İvanişvili sözlərinə əlavə edib.
Bununla yanaşı o qeyd edib ki, müxalifətsiz demokratiya ola bilməz. “Biz bunu yaxşı başa düşürük. Saakaşvilinin iddia etdiyi kimi heç kimin müxalifəti məhv etmək fikri yoxdur”- baş nazir deyib.
Qeyd edək ki,Gürcüstanın hazırki prezidenti Mixeil Saakaşvilinin səlahiyyət müddəti 2013-cü ilin oktyabrında bitir.
Səbinə Həsənova
AzVision.az
İvanişvili istefa verəcək
24 İyun 2013
Oxunub:1750
Vaxtında, Aydın, Lazımlı!
-1732558345.jpg&h=190&w=280&zc=1&q=100)
-1732552478.jpg&h=190&w=280&zc=1&q=100)
-1732546920.jpg&h=190&w=280&zc=1&q=100)
-1732262087.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
