Politico: “Starmerin ABŞ-yə səfəri Kiyevi ayıldıb”

   Politico: “Starmerin ABŞ-yə səfəri Kiyevi ayıldıb”
  28 Fevral 2025    Oxunub:342
Böyük Britaniyanın baş naziri Kir Starmer ABŞ-yə səfəri zamanı Donald Trampı Ukraynaya dəstəyi artırmağa inandıra bilməyib.
AzVision.az xəbər verir ki, “Politico” nəşrində dərc olunan məqalədə Starmerin ABŞ-nin Ukraynanın müdafiəsi üçün daha güclü öhdəliyi ilə bağlı ümidsiz çağırışının Trampa təsir göstərmədiyi ehtimal edilir.

“Starmer Trampı Ukraynadakı Avropa qoşunlarına hərbi dəstək verməyə inandırmağı planlaşdırırdı. Britaniya rəsmilərinin dediyinə görə, o, Rusiyanın növbəti işğalı halında ABŞ-nin havadan müşahidəsini və qorumasını istəyib. Lakin Tramp bütün bunlara “yox” deyib. Belə sərt mövqe Ukrayna prezidenti Volodimir Zelenskinin Vaşinqtona səfəri ərəfəsində avropalı müttəfiqlərin ayılması üçün ilkin siqnal oldu”, – qəzet yazır.

“Politico” bildirir ki, Tramp Ukraynanı “Starlink”dən ayırmasa da və NATO nizamnaməsinə riayət etsə də belə, “onlara heç nə vəd etməyəcəyini” göstərdi. Həmçinin, Amerika prezidenti Rusiyanın Ukraynaya yenidən hücum edəcəyi təqdirdə nə baş verəcəyi ilə bağlı “sualları da rəddə edib”.

- Eyni zamanda, Tramp getdikcə ABŞ-nin maraqlarını Rusiyanın maraqlarına yaxınlaşdırır, Putinin Ukraynaya təcavüzü ilə bağlı tezislərini götürür və yaramaz dövlətlə ittifaq yaratmağa çalışır”, - məqalədə vurğulanır.

Sahil İsgəndərov
AzVision.az


Teqlər: Tramp   Starmer   Ukrayna  





Xəbər lenti