Ukrayna Odessanı da itirə bilər?

   Ukrayna Odessanı da itirə bilər?
  18 Mart 2025    Oxunub:494
Kiyevdə Rusiyanın strateji əhəmiyyətli Odessa limanına nəzarəti ələ keçirə biləcəyindən narahat olduqlarını bildirirlər.
AzVision.az xəbər verir ki, “The New York Times (NYT)” nəşrinin yazdığına görə, Ukrayna prezidenti Volodimir Zelenskinin müşavirləri Donald Trampın Moskvanın təşəbbüsünü dəstəkləyə biləcəyindən qorxurlar.

“Ukrayna prezidenti Volodimir Zelenskinin köməkçiləri keçən ay bildiriblər ki, onlar Donald Trampın Ukraynanın bəzi hissələri ilə bağlı Vladimir Putinin digər istəklərini dəstəkləyə biləcəyindən narahatdırlar”, - qəzet yazır.

Putinlə Uitkoffun gecə görüşü - Təfərrüatlar
Xatırladaq ki, bundan əvvəl ABŞ və Ukrayna nümayəndə heyətləri Səudiyyə Ərəbistanında danışıqlar aparıb. Volodimir Zelenski Vaşinqtonun 30 günlük atəşkəs təklifini dəstəkləyib, Vladimir Putin isə uzunmüddətli sülh razılaşması əsasında hərbi əməliyyatları dayandırmağa hazır olduğunu bildirib.

Moskva mümkün atəşkəslə bağlı suallarını artıq ABŞ-yə çatdırıb. Trampın sözlərinə görə, Rusiya 30 günlük atəşkəs təklifi ilə razılaşa bilər.

Sahil İsgəndərov
AzVision.az


Teqlər:   Ukrayna   Odessa   itirmək  





Xəbər lenti