Əfqanıstanda qadınlar əyləncəli verilişlər apara bilməyəcəklər

   Əfqanıstanda qadınlar əyləncəli verilişlər apara bilməyəcəklər
  18 Mart 2025    Oxunub:489
Taliban hərəkatının yaratdığı Əfqanıstan hökumətinin rəsmiləri qadınlarla bağlı növbəti dəfə qadağalar təbiq ediblər. Rəsmilər Qəndəhar vilayətində qadınlara radioda əyləncəli verilişlər aparmağı arzuolunmaz sayıblar.
AzVision.az xəbər verir ki, bu barədə Əfqanıstan Jurnalistlər Mərkəzinin (AFJC) mətbuat xidməti hakimiyyət orqanlarının bəyanatına istinadən məlumat yayıb.

"Əfqanıstan niyə bu gündədir" sualının cavabı: "Puştunvalay" sindromu
“Administrasiya qadınların səsi olan yayımı tamamilə qadağan edib və KİV-lərə bundan sonra hakim administrasiyanın başçısını nəzərdə tutarkən “Əmirəl-möminin həzrətləri, Allah onu qorusun” ifadəsini işlətməyi tapşırıb”, - məlumatda bildirilir.

Bundan başqa, mətbuata kosmetik məhsulların, eləcə də klinika və xəstəxanaların rəsmi qeydiyyatı olmayan reklamlarının dərci qadağan edilib.

Bundan əvvəl Əfqanıstan İnformasiya və Mədəniyyət Nazirliyi istənilən siyasi və iqtisadi müzakirələrin televiziyada yayımını qadağan etmişdi. AFJC-nin məlumatına görə, televiziya jurnalistləri yalnız indiki administrasiyanın nümayəndələri ilə ünsiyyətdə ola bilərlər.

Qeyd edək ki, Talibanın Əfqanıstanda hakimiyyəti ələ keçirməsindən sonra ən çox müzakirə olunan mövzulardan biri də ölkədə qadınların hüquqlarının məhdudlaşdırılacağı ilə bağlı idi. Hətta xarici KİV və sosial şəbəkələrdə taliblərin gözəllik salonlarını bağlaması, divarlarda qadın fotoları ilə olan reklam lövhələrinin rəngləməsinə dair görüntülər paylaşılırdı. Sonradan bu proqnozların böyük əksəriyyəti real oldu.
Tural Tağıyev
AzVision.az



Teqlər:   Əfqanıstan   Qadın  





Xəbər lenti