Hərbçilərin ərzaq pulu 210 manat artırılacaq - RƏSMİ

   Hərbçilərin ərzaq pulu 210 manat artırılacaq -    RƏSMİ
  29 Noyabr 2023    Oxunub:866
Azərbaycanda hərbçilərin ərzaq pulu 210-220 manat civarında artırılacaq.
Bunu Müdafiə Nazirliyinin Hüquq İdarəsinin rəisi Elçin Əliyev Milli Məclisin Əmək və sosial siyasət komitəsinin bugünkü iclasında “Hərbi qulluqçuların statusu haqqında”, “Hərbi xidmətkeçmə haqqında” Əsasnamə”nin təsdiq edilməsi barədə”, “Əmək pensiyaları haqqında” və “Hərbi vəzifə və hərbi xidmət haqqında” qanunlara dəyişiklik layihəsinin birinci oxunuşda müzakirəsi zamanı deyib.

Onun sözlərinə görə, hazırda Maliyyə Nazirliyi bu məsələnin üzərində işləyir: "Biz də istəyirik ki, verilən pul tezliklə artsın. Bu məsələ mütləq həll olunacaq".

Qeyd edək ki, Milli Məclisin Əmək və sosial siyasət komitəsinin üzvü Rauf Əliyev müzakirələrdə hərbçilərə verilən ərzaq pulubnun 62 manat artırılmasını təklif etmişdi: "Hesab edirəm ki, bu da onların sosial müdafiəsinin gücləndirilməsinə müəyyən dərəcədə öz töhfəsini verə bilər".

AzVision.az


Teqlər:





Xəbər lenti