İsrailin zərbələri Suriyada zəlzələ törədib -

İsrailin zərbələri Suriyada zəlzələ törədib - VİDEO

12:17 16 Dekabr 2024 Oxunub:736

Bu gecə İsrail ordusu Tartusda keçmiş Suriya ordusunun silah-sursat anbarına silsilə şəkilli güclü hücumlar təşkil edib.

AzVision.az İsrail mediasına istinadən xəbər verir ki, Aralıq dənizindən yaxınlaşan İsrailin döyüş təyyarələri keçmiş Suriya ordusunun 107-ci Sahil Müdafiə briqadasına hücum edib. Obyektdə Rusiya istehsalı olan “Bastion” və Sovet istehsalı olan “Yaxont” gəmi əleyhinə raketlər saxlanılrıdı.

Məlumatda İsrailin Suriyanın Tartus şəhərinə atdığı bombalar Rixter cədvəli ilə 3 bal gücündə zəlzələyə səbəb olduğu bildirilir.

Maraqldıır ki, bundan əvvəl İsrailin baş naziri Binyamin Netahyahu ölkəsinin Suriya ilə qarşıdurmada maraqlı olmadığını və Dəməşqə qarşı siyasətini “yerdəki reallığa uyğun şəkildə” müəyyənləşdirəcəyini deyib.

Netanyahu xatırladıb ki, Suriya onilliklər ərzində İsrailin fəal düşməni olub, yəhudi dövlətinə “dəfələrlə hücum edib”, “başqalarının öz ərazisindən hücuma keçməsinə və İranın öz ərazisindən “Hizbullah”ı silahlandırmasına icazə verib”. Bütün bunların bir daha təkrarlanmaması üçün İsrail son günlərdə bir sıra intensiv tədbirlər həyata keçirib.

Məhz bu baxımdan, o, Müdafiə naziri İsrael Katsla birlikdə ölkənin Müdafiə Qüvvələrinə Suriyadan gələn potensial təhlükələri zərərsizləşdirməyi və terrorçu qrupların sərhədə yaxın əraziləri ələ keçirməsinin qarşısını almağı tapşırdığını vurğulayıb.

“Cəmi bir neçə gün ərzində biz Əsəd rejiminin onilliklər ərzində qurduğu imkanları məhv etdik ki, artıq Suriya torpağından bizə qarşı təhlükəli silahlar yönəldilməsin. İsrail, habelə “Hizbullah”ın Suriyadan keçən silah yollarını vurub, çünki “Hizbullah”ın yenidən silahlanmasının qarşısını almalıdır”, - İsrailin baş naziri Suriya ərazisindəki müəyyən hədəflərin bombalanmasını əsaslandırıb.

Netanyahu onu da diqqətə çatdırıb ki, İsrail İran və “Hizbullah”ın yəhudi dövlətinə zərər vurmaq cəhdlərinin qarşısını almaq üçün “lazım olduğu qədər, istənilən ərazidə və istənilən vaxt” fəaliyyətini davam etdirəcək.

Sahil İsgəndərov
AzVision.az

Teqlər: İsrail Suriya zərbələr