"Rusiya nüvə silahı yerləşdirməkdən imtina etməyəcək" - Peskov

   "Rusiya nüvə silahı yerləşdirməkdən imtina etməyəcək" -    Peskov
  27 Mart 2023    Oxunub:787
"Qərbin reaksiyası Rusiya hökmətinin Belarusda taktiki nüvə silahı yerləşdirmək planlarına təsir etməyəcək".
Bu barədə Rusiya prezidentinin mətbuat katibi Dmitri Peskov bildirib. Artıq Avropa İttifaqı (Aİ) Rusiyanı sanksiyalarla hədələyib.

“Belə reaksiya şübhəsiz ki, Rusiyanın planlarını dəyişə bilməz. Prezident şənbə günü verdiyi müsahibədə hər şeyi izah etdi, buna əlavə ediləcək heç nə yoxdur”, - Kreml sözçüsü bildirib.

Martın 25-də Rusiya prezidenti Vladimir Putin Belarusda taktiki nüvə silahları üçün anbarın tikintisinin iyulun 1-dək başa çatacağını elan edib. ABŞ hələ ki, Rusiyanın Belarusda nüvə silahı yerləşdirməsinin əlamətlərini görmür. Avropa diplomatiyasının rəhbəri Cosep Borrell Aİ-nin yeni anti-Rusiya sanksiyaları tətbiq etməyə hazır olduğunu açıqlayıb. Almaniya Xarici İşlər Nazirliyi cənab Putinin sözlərini nüvə hədəsi cəhdi adlandırıb. Fransa Rusiyanı öz qərarına yenidən baxmağa çağırıb.

Şahanə Rəhimli
AzVision.az


Teqlər:





Xəbər lenti