Kreml Ukraynada daha hansı təxribatlara əl ata bilər? - Politoloqun şərhi

Kreml Ukraynada daha hansı təxribatlara əl ata bilər?    - Politoloqun şərhi
  06 İyun 2023    Oxunub:1055
"Rusiyanın Ukraynaya qarşı işğalçı müharibəsi şiddətinə görə heç bir sərhəd tanımır".
Bunu "Atlas" Araşdırmalar Mərkəzinin rəhbəri, politoloq Elxan Şahinoğlu Ukraynada su anbarının partladılmasına münasibət bildirərkən deyib.

O qeyd edib ki, Rusiya insanların və təbiətin fəalakətinə səbəb olan böyük hidroelektrik stansiyasını raket zərbəsiylə dağıdırsa və bu zaman özününkülər də əziyyət çəkirsə, Kreml Ukrayna ordusunun əks-həmləsinin qarşısını almaq məqsədilə başqa təxribatlara da əl ata bilər.

- Bunlardan birini Rusiyanın “Vaqner” muzdlu qruplaşmasının rəhbəri Yevgeniy Priqojin səsləndirib. Onun fikrincə, Rusiya hərbçiləri Belqorod vilayətinə nüvə bombası ata bilər. Kreml Rusiya ərazisinə nüvə silahı niyə atsın ki? Priqojin bu sualı bu şəkildə cavablandırıb: “Rusiya öz ərazisinə nüvə bombası ataraq Belqoroda doğru geri çəkildiyimiz təəssüratını yaratmaq istəyəcək”. Priqojin bu cavaba ironik əlavəsini də unutmayıb: “Özümüzə atsaq, ruhi xəstə olduğumuzu göstərəcəyik”. Rusiya prezidenti Vladimir Putin bu ağılda olan şəxsə muzdlu qruplaşma yaratmağı və savaşın ön sıralarında qərar tutmağı necə həvalə edib? Ancaq Putinin digər dostu və Rusiyanın eks-prezidenti Dmitri Medvedyevin daha məntiqsiz açıqlamalar verdiyini nəzərə aldıqda Kremldəkilərin çoxunun düşüncə tərzinin oxşar olduğu qənaətinə gəlmək mümkündür, - ekspert qeyd edib.

AzVision.az



Teqlər: Rusiya  





Xəbər lenti