`Yanğında təxribat variantı araşdırılır` -Abutalıbov
AzVision.az xəbər verir ki, bunu Binəqədi rayonu, Azadlıq prospekti, 200/36 ünvanında yerləşən çoxmərtəbəli yaşayış binasında baş vermiş yanğın yerinə növbəti dəfə gələn Bakı meri Hacıbala Abutalıbov deyib.
O, bildirib ki, təxribat variantı da istisna edilmir: “Prezident İlham Əliyev tapşırıq verib ki, bütün binalara mühafizəçi qoyulsun. Bakıda bu üzlüklə üzlənmiş 140 bina var. Hamısından nümunə götürüləcək. Ekspertizanın qərarından sonra onların sökülüb-sökülməyəcəyinə qərar veriləcək. Sabah axşam ekspertizanın rəyi bəlli olacaq. Bu binada olan üzlüklər 146 dərəcədə yanır. Amma 546 dərəcədə yanmalıdır. O material baha olduğu üçün ucuz üzlük vurublar”.
Bakə Şəhər İcra Hakimiyyətinin başçısı vətəndaşlara dəyən bütün ziyanın ödəniləcəyini və onların evlərinin təmir olunana qədər müvəqqəti mənzillərlə təmin ediləcəyini bildirib.
AzVision.az